【網友個案】Yuki : 將KeepFit融入生活, 要好吃到不像減肥
👩🏻 Yuki的簡述:
以前我都係太激進，令自己身心靈受創，所以知道錯
so wanna have a fit body
跌跌撞撞
又再爬番起身
I think a lot but I don't wanna give up
So I want to find a way to sustain a healthier lifestyle and develop a healthy mindset
As a lifelong lifestyle
But not short-term weight loss program
以下是📍小編R跟 👩🏻 Yuki的訪問:
📍R:
以往是什麼原因想減肥？當時身體大約什麼狀況？
👩🏻 Yuki:
由細到大我都唔係好瘦嘅女仔，但係又唔算好肥，我一直都冇乜減肥嘅概念，因為覺得食嘢開心都幾緊要，同埋都真係（覺得自己）唔係太肥。不過骨子裏，都會好羨慕紙片咁嘅身形。
畢業出嚟做嘢之後，因為工作關係，要經常輪班，工作壓力大又成日食宵夜，過咗好幾年之後，肥咗好多(10 lbs)嗰種肥嘅感覺係好唔健康好水腫好唔舒服，好似着咩衫都唔好睇咁，自我形象低落，唔鍾意影相，所以一直都萌生減肥嘅念頭，希望可以去返以前咁嘅樣。
📍R:
試過什麼方法？包括營養師、自己找或朋友介紹您的方法？
👩🏻 Yuki:
基本上除咗食藥，做手術之外，我好多方法都試過： 西柚減肥法，戒澱粉質，好多年前仲有唐安琪嘅10日減x 磅減肥療程，做機，herbal life，做運動（不定期） 呢啲方法都係減到少少，但係好快又會肥返。望落去一啲都唔精神。搞咗一輪都唔知自己做緊乜。身心都覺得好疲累。 不過我仍然覺得係我自己唔夠努力，或者係基因嘅問題，我要再用其他方法試吓。
跟住我唔知點解覺得自己可以試吓跑步減肥，咁我就每日都跑半個鐘，呢件事持續左一年，一個禮拜應該跑五日。 再加上我嚴格嘅飲食控制，食少好多嘢，食少好多脂肪，食少好多澱粉質。 係瘦咗好多。應該瘦咗15-20磅。
📍R:
因為之前提過「身心受創」。發生咩事？問題出現後，如何處理？
👩🏻 Yuki:
瘦咗咁多，梗係開心啦，我心諗，咦，原來食少啲做多啲真係得個喎 ，咁我以後都係咁咪得囉。咩衫都着到好yea！
以前嘅我真係太天真，原來身體根本唔想你繼續瘦，佢覺得係一種危險嘅症狀，佢會用盡所有方法叫你食嘢，要你肥返。 瘦到某一個位我發現，我嘅體重有反彈，然後我成日都諗今日要食乜嘢。減肥嘅時候一開始你真係可以好多嘢都唔食，意志力超級強，但係減咗好一段日子，意志力幾旺盛嘅我，都會有觸礁嘅一刻。基本上我真係少咗好多社交，唔敢出去同朋友食飯，每日都要自己做運動，當然唔可以食零食啦，因為驚自己會肥返。然後所有嘢都會功虧一簣。
不過你冇辦法，當時我甩頭髮，停經，塊面又黃，仲有啲暴食嘅症狀，因為我發現，食嘢嘅時候我唔覺得飽，就算食好多都冇乜感覺。我真係覺得好驚，之後我就搵營養師幫手，佢教我糾正錯誤，應該點樣食嘢，應該點樣揀嘢食，一定要食得夠。
之後我嘅體重上上落落，食嘢嘅感覺都係如履薄冰，已經唔可以好似以前咁開心咁食嘢。
📍R:
因為什麼事？或者人？啟發你想「還原基本步」用健康嘅方法減肥？
👩🏻 Yuki:
營養師可能幫到我一部份，但係我覺得最緊要都係自己嘅想法，我唔想以後都係咁，所以我慢慢慢慢返返去基本步，響減肥同埋健康搵返一個平衡。同埋而家年紀開始大，冇辦法好似以前咁做咁多運動，日日係咁跑都搞唔掂，同埋我想返返去有以前嘅社交生活，同埋我都好鍾意食嘢，我唔想成世都冇得食好嘢。所以呢幾年我就乖乖地用返正常嘅方法很自己健康啲。 我而家食返好多嘢。接受返好多出街嘅食物。
📍R:
現況怎麼樣？身心恢復中？
👩🏻 Yuki:
而家嘅心態同以前已經唔一樣，因為我唔想老咗嘅時候諗返而家嘅自己，好似 冇咗好多嘢咁。我唔想因為想瘦少少嘢要犧牲咁多。所以而家肥返啲，但係起碼可以做返個正常人。可以繼續食好嘢，一直keep住做運動，開開心心。其實出街食嘢都真係有好多選擇。 Follow你個IG page,我發現我真係學到好多嘢，減肥其實可以有好多種方法，要搵一種方法適合自己，持之以恆，唔好定立一啲極端嘅目標，如果唔係只會死路一條🤓🤓🤓 多謝你比呢個機會我分享，我自己好少同人地分享呢啲事情，因為我怕人哋會批評我，不過我都好希望減肥嘅朋友唔好好似我咁，可以搵返適合自己嘅方法去減肥，行少啲冤枉路。
Again真係好多謝你嘅分享, 每一次讀你嘅post我都好開心，因為又有好嘢食！
📍R:
小編聽到呢句就唔會懶，繼續努力發掘。
以上為Yuki的分享，小編和Yuki相信能夠俾大家一些啟發。 再次多謝Yuki 用心分享。 大家記得like、share留言。
